بنجائی بجٹ اٹ کمک کپننگ نا بابت سجفنگ اُن، بلوچستان حکومت

کوئٹہ:  حکومت بلوچستان سالانہ پلاننگ کوارڈینیشن کمیٹی نا دیوان اٹی بنجائی پی ایس ڈی پی آن بلوچستان نا ڈٹ آتے کشنگ آ بنجائی حکومت ءِ ہکل تسنے کہ اگہ ننا خواست آتیا سنجیدہ گام گیج متو، تو نن بنجائی بجٹ اٹ حکومت تون کمک کننگ نا بابت سجفنہ۔ صوبہ نا حق آتے کن بلوچستان نا اپوزیشن جماعت آتتون اوار بنجائی کہول انا جماعت آتتون رابطہ کرسا ہر فورم آ توار چست کینہ، وزیر اعلیٰ جام کمال وزیر اعظم تون اوڑدہی کرسا گڑتی تیان معلومدار کیک۔ صوبہ نا حق آتے کن بلوچستان نا اپوزیشن جماعت آتتون اوار بنجائی کہول انا جماعت آتتون رابطہ کرسا ہر فورم آ توار چست کینہ، وزیر اعلیٰ جام کمال وزیر اعظم تون اوڑدہی کرسا گڑتی تیان معلومدار کیک۔ دا ہیت آتا درشانی ءِ صوبائی وزیر خزانہ میر ظہور احمد بلیدی و صوبائی وزیر کشت و کشار انجینئر زمرک خان اچکزئی وزیراعلیٰ سیکرٹریٹ اٹی پریس کانفرنس کرسا کریر۔ صوبائی وزیر خزانہ میر ظہور احمد بلیدی پارے کہ جون بجٹ نا تُو مریک، ایون سالانہ ڈٹ بندی کمیشن نا دیوان مس، ہراٹی مچ آ ملک انا اسٹیک ہولڈر آک صوبائی حکومت آتا نمائندہ غاک ساڑی ئسر۔ بلوچستان آن وزیراعلیٰ بلوچستان جام کمال خان و ای صوبائی وزیر خزانہ ویڈیو لنک نا کمک اٹ دیوان اٹ ساڑی ئسن۔ ولے است ہسونی نا ہیت اسے کہ دیوان اٹی ننا ہیت ءِ سنجیدہ ہلتوس۔ دا وخت آ بنجائی پی ایس ڈی پی ٹی بلوچستان نا 900 ارب شیئر اریر، ہرافتیان 80ارب لوکیشن ءُ، بلوچستان آن نن منہ پوسکن و متکن آ اسکیم آتے بنجائی پی ایس ڈی پی ٹی اوار کریسن، او پارے کہ بنجائی پی ایس ڈی پی ٹی ننا 162ارب روپئی نا جتا جتا اسکیم آتے بنجائی پی ایس ڈی پی آن کشنگانے، نن دا پانہ کہ دا بلوچستان تون بے انصافی اسے۔ حالانکہ وزیرا عظم عمران پاش پارینے کہ بلوچستان نا ویل آتا ایسری نا اسٹ انگا کسر شونداری ءِ، دا وخت آ بلوچستان نا ضلع غاتا نیام اٹ رابطہ غاک غیر فعال ءُ، دا سڑک آتا تفنگ آن صوبہ ٹی اسہ ضلع نا ایلو ضلع تون رابطہ بحال مریک، دا ر داٹ نیشنل ہائی ویزاتھارٹی نا چیئرمین ءِ ہم کیہی اوار پارینن، صوبہ ٹی دا وخت آ بھلو خواری سے آن پد و سیکورٹی فورس آتا قربانی تا سوب آن امن ایمنی بسنے۔ بلوچستان عوامی پارٹی وزیراعظم عمران خان نا وژن ءِ ہرسا پی ٹی آئی نا مخ تفی ءِ کریسس۔ وزیر اعظم عمران خان کیہی وار دا پارینے کہ بلو چستان پاکستان نا آخبت ءِ،و دا ہیت پاش ءِ کہ اخس کہ بلوچستان اٹی خڑچ کننگک، اوکان دوکچ فائدہ ہم دوئی کننگک۔ او پارے کہ دیوان اٹی ننے پاننگا کہ اسکیم آتا وخت ہنانے، ولے نن پانہ کہ بنجائی بجٹ آن داسکان اِرا ہفتہ سلوک ءُ، گڑا صوبہ نا پد تمنگ ءِ مون آ تخسا دا اسکیم آتے دمدستی منظور کننگے، نن پلاننگ کمیشن ءِ ہمے وخت آ تینا اسکیم آتے رایہ کرین، ولے بد بختی نا ہیت اسے کہ اسلام آباد اٹ تولوک آتا نظر کمزور ءِ۔ و اوفک تکرہ کہ بلوچستان نا شونداری بجٹ 50 ارب روپئی ءِ، داڑان نن ہرا محکمہ فعال کین۔ ظہور بلیدی پارے کہ بلوچستان نا شونداری کن نن سخت ءُ گام ہرفنگ کینہ،و دا رد اٹ ہچ ءُ ڈیوالئی اس سگپنہ اگہ ننا خواست آتیا سجفنگتو، تو نن بنجائی بجٹ نا سپورٹ ءِ کننگ نا بابت سجفنہ۔ صوبہ نا اپوزیشن جماعت آتیان بیدس دا رد اٹ بنجائی جماعت آتتون ہم رابطہ کننگک۔

( آن لائن)