لاک ڈائون نا خلاف ورزی آ سخت کارروائی کننگے ،ضیاءلانگو

کوئٹہ (اے پی پی) صوبائی وزیر داخلہ میر ضیاءاللہ لانگو ضلعی انتظامیہ ءِ پرمان جاری کرساپارینے کہ مچ آ ضلع ٹی لاک ڈائون کننگے و ہمو زموار آتا برخلاف سخت کارروائی کننگے ہرا کنوئی آ گڑاتا نہاد آتے ٹی و تینٹ ودکی کننگ ءُ و کوڑی کننگ اٹ زموارمریر، اوضلعی انتظامیہ نا آفیسر آتتون ویڈیو لنک نا کمک تران کرسا پارے کہ صوبائی حکومت الس کن ہروڑنا گام گیج چست کننگ ءِ۔ کچ اٹنگا وسیلہ غاتیان پد ہم صوبہ نا غٹ ضلع غاتے ٹی لاک ڈائون آن زہمی خاہوت آتے ٹی راشن بشخنگا، کوئٹہ ٹی مفت اِرغ تننگ و قرض حسہ اسکیم کون آ گام گیج آک صوبائی حکومت نا کارکڑدگی نا شاہدی اسے ءِ۔ اوپارے کہ کوروناوائرس نا تالانی ءِ توننگ کن و الس ءِ دا ہلوک آ مرض آن مر تخنگ کن حکومت پبی گام گیج کننگ ءِ اوتعلقدار ضلعی انتظامیہ و آفیسر آتے سختی اٹ پارت کرے کہ او لاک ڈائون اٹی کوڑی کننگ و کنوئی آ گڑاتا نہاد آتے ٹی ودکی ٹی زموار بندغ آتا برخلاف پبی کریک ڈائون کیر و داوڑنا زموار آتے دمدستی وڑاٹ دزگیر وجرمانہ خلنگے۔ اوپارے کہ راج اٹی داوڑنا زموار آک ناسور ءُ و حکومت داوڑنا زموار آتے اسُل بشخپک۔ اوفتا برخلاف پبی کارروائی کننگک۔