بلوچستان حکومت الس نا آسودہی کن کوشست کننگ اٹی ءِ‘لیاقت شاہوانی
Get real time updates directly on you device, subscribe now.
کوئٹہ (خ ن) ترجمان حکومت بلوچستان لیاقت شاہوانی پارینے کہ بلوچستان حکومت الس نا آسودہی کن کوشست کننگ اٹی ءِ‘ کورونا وائرس نا تالانی ءِ توننگ کن حکومت ہر ہمو گام گیج آتے کرے ہرا المی ئسر، ترجمان صوبائی حکومت لیاقت شاہوانی پارے کہ ننے الس ناویل آتا سماءِ ہرافتے ایسر کننگ کن حکومت ہر وڑانا گام گیج کننگ اٹی ءِ‘ لاک ڈائون نا سوب آن غریب الس نامالی کمک کننگ کن وزیراعلیٰ بلوچستان قرض حسنہ اسکیم نا بناءِ کرے ہرانا کمک اٹ بے سود آن 10 آن 20 ہزار روپئی وام تننگک تاکہ دیہاڑی تپہ تینا گزران ءِ کننگ کے‘ ترجمان صوبائی حکومت مستی پارے کہ مشکل نا دا وخت اٹ میڈیا ناکڑدار بھاز اہم ءِ نن میڈیا نا آجوئی آ باور کینہ انتئے کہ آجو میڈیا جوان جمہوریت نا نشانی ءِ۔ میڈیا کورونا وائرس نا بابت الس اٹ معلومداری فراوان کننگ اٹ جوان کڑد ادا کرسا مر انگا علاقہ غاتے ٹی الس ءِ رکھی گام گیج آتیان معلومدار کرے ہراڑا عمل کرسا الس تینا رکھ ءِ کننگ کیک۔