تمبو‘ پولیس نا کارروائی‘محبوب علی لہڑی نا خون ناواقعہ نا بنجائی دوبہ دارک دزگیر

0

Get real time updates directly on you device, subscribe now.

تمبو (آن لائن) ہفتہ اس مست تھانہ خان کوٹ نا دنگ اٹ 15سال انا محبوب علی لہڑی نا خون ناواقعہ نا بنجائی دوبہ دارک دزگیر‘ دوبہ دار سیف اللہ و عبدالواسیع لہڑی اُرائی جھیڑہ ناسوب آن محبوب علی لہڑی ءِ گٹو کرسا و کاچوٹی خلسا کسفیسر۔ حوال نا رد اٹ ضلع نصیرآباد نا تھانہ خان کوٹ نا دنگ اٹ ہفتہ اس مست خون نااست ءِ ہسون کروک ءُ واقعہ اس پیش بسوسس ہراٹی دوبہ دار آک گٹو کرسا و کاچو ٹی خلسا 15سال انا محبوب علی لہڑی ءِ کسفسا نراسر‘ واقعہ غان گڈ ایس ایس پی نصیر آباد عرفان بشیر نا چاروکی ٹی ڈی ایس پی تمبو ارشاد علی گولہ و ایس ایچ او خان کوٹ محمد خان محمدحسنی پولیس ٹیم اتون اوار شاہدی تے مچ کرے و دوبہ دار آتے پٹنگ نا بناءِ کرے و واقعہ نا بنجائی دوبہ دار سیف اللہ و عبدالواسع لہڑی ءِ دزگیر کرے‘ دا بابت ڈی آئی جی پولیس نصیر آباد شہاب عظیم لہڑی پارے کہ کس اس کانود آن ایڑتر اف‘ واقعہ غان گڈ دوبہ دار آتے دزگیر کننگ کن سخت پرمان کننگا ‘ پولیس ٹیم دے ونن خواری کرسا دوبہ دار آتے دزگیر کرے۔

Get real time updates directly on you device, subscribe now.

Leave A Reply

Your email address will not be published.