پاک امریکہ اقتصادی کمکاری ٹی پوسکن ءُ پیشرفت اسے نا حوال

خصوصی زرکاری کمکار کونسل (ایس آئی ایف سی) نا کمک اٹ بڑزکو کہولی امریکی کاروباری ڈل کراچی نا اِرا دے ئی دورہ ءِ کرے۔ تینا دورہ نا ارٹمیکو دے ڈل صوبائی وزیر آتتون اوڑدہی کرے و اہم زرکاری وارخواہی تا جاچ ءِ ہلک۔ اوڑدہی ٹی بن قاسم انڈسٹریل پارک، کراچی انڈسٹریل پارک و ایلو ڈٹ آتیٹی زرکاری آ گپ و تران کننگا۔ امریکی ڈل ءِ سندھ بزنس ون اسٹاپ شاپ، کیٹی بندر پورٹ، این ای ڈی ٹیک پارک و سلاہ ئی سندھ انٹرنیشنل فنانشل سینٹر نا بابت ہم بریفنگ تننگا۔ پاکستان بزنس کونسل تون اوڑدہی ٹی کیپیٹل مارکیٹ، کشت وکشار، ٹیکسٹائل، توانائی، معدنیات، جانجوڑی و ایلو بشخ آتیٹی زرکاری نا گمان تیا گپ وتران کننگا۔ امریکی ڈل پاکستان نا جوان زرکاری چاگڑد و جتا جتا بشخ آتیٹی کاروباری وارخواہی تیٹی است خواہی نا درشانی ءِ کرے۔ کاروباری سرکڑدہ غاک زرکار آتا پت، پالیسی ریسہ و کاروبار آسان کننگ کن ایس آئی ایف سی نا کڑد اناستاءِ کریر۔ ایس آئی ایف سی نا کمکاری اٹ پاکستان اٹی زرکاری نا وارخواہی، کاروباری پت و پاک امریکہ زرگزرانی کمک پین سوگو مننگ اٹی ءِ۔