سوات خودکش دھماکہ‘ وزیراعظم شہباز شریف کا جانی زیان تا ارمان
Get real time updates directly on you device, subscribe now.
وزیراعظم محمد شہباز شریف سوات نا علاقہ کبل اٹ مروک خودکش دھماکہ و اونا سوب آن مروک زوال آتیا ڈکھ وارمان کرینے۔ وزیراعظم دھماکی ٹی زوال مروک بندغ آتا پدخاہوت آتتون است ہسونی و ہمدردی نا درشانی ءِ کرسا شہید آتا درجہ غاتا بڑزی و پدخاہوت آتیکن صبر انا دعا کرینے۔ محمد شہباز شریف دھماکہ ٹی ٹھپی مروک بندغ آتا زوت دراخ جوڑی کن ہم دعا کرے۔ وزیراعظم تعلقدار کمامدار آتے پارت کرے کہ ٹھپی تے جوان طبی آسراتی تا فراوانی ءِ پک کننگے و اوفتا درمان اٹ ہچ ڈیوالئی کننگپ۔ وزیراعظم محمد شہباز شریف پیدوار رکے کہ دہشت گردی کے ناچوڑ نا پورو چٹفنگ اسکان حکومت و قوم انا جہد برجا سلک۔