اصل سی پیک بلوچستان ءِ، اہمیت ءِ امنا کننگ ملک اکن فائدہ ءِ، جام کمال

0

Get real time updates directly on you device, subscribe now.

کوئٹہ (آن لائن) وزیراعلیٰ بلوچستان جام کمال خان پارینے کہ اصل سی پیک بلوچستان ءِ ہرا چمن آن اوغانستان و وسطی ایشیائی ریاست آتسکان و ایران و ترکی نا کسر اٹ یورپ اسکان سر مننگ نا اسٹ انگا گڑا ءِ۔ ایہن تو بلوچستان وارخواہی تا ڈیہہ و گیم چینجر صوبہ ءِ، مرغن انگا سمندری کرن، ماہی گیری و سیلی بشخ و تاپی گیس پائپ لائن نا ڈٹ بلوچستان نا اہمیت اٹ ودکی کیک، سی پیک اٹ بلوچستان نا اہمیت ءِ اخس زوت مننگے ملک اکن فائدہ مریک، دا خیال آتا درشانی ءِ او اسہ بڑزکو کہولی دیوان اسے نا کماشی ءِ کرساکرے ہراٹی محکمہ جنگلات وجنگلی زند، ماحولیات، سیل و سوت و میوزیم، بلوچستان کوسٹل ڈویلپمنٹ اتھارٹی نا شونداری و ایلو ویل آتا جاچ ءِ ہلنگا، صوبائی سلاہکار عبدالخالق ہزارہ، پارلیمانی سیکریٹری برائے جنگلات سردار مسعود خان لونی، ایڈیشنل چیف سیکرٹری ڈٹ بندی وشونداری عبدالرحمن بزدار، ایڈیشنل چیف سیکرٹری داخلہ حافظ عبدالباسط، سیکرٹری خزانہ، سیکرٹری جنگلات، سیکریٹری ماحولیات، سیکریٹری ماہی گیری و ڈی جی بی سی ڈی اے تون اوار ایلو کمامدار آتیان دیوان اٹ بشخ ہلک، وزیراعلی ہمو محکمہ غاتا کنڈآن شونداری ویل آتیا تروک آ بریفنگ نا بارواٹ پارے کہ مالو آن ساڑی حکومت عملی گام گیج آتیا پام کرسا جوان وڑاٹ ہر سیکٹر اٹ شونداری کاریم کننگ خوارہ ہراڑکن محکمہ غاتے مکمل اختیار ہم تننگا کہ اوفک پُوسکن آ شونداری ڈٹ آتے شونداری پروگرام اٹ اوار کرفنگے ولدا ہم اگہ محکمہ ٹی دا جوان انگا چاگڑد نا فائدہ ءِ ہرسا تینا کارکڑد ءِ جوان کپنہ تو دا افسوز نا سوب مریک، او پارینے کہ سول سوسائٹی نا کنڈآن ہرفوک آ سوج آتا ورندی ءِ ننے تروئی تمک او بھاز وخت محکمہ غاتا نزور انگا کارکڑد نا سوب آن ورندی تننگ سخت مریک۔

Get real time updates directly on you device, subscribe now.

Leave A Reply

Your email address will not be published.