یوٹیلٹی اسٹورزسروک عمران خان نا سنگت ءِ، بورہ کاختی چٹپک، شاہد خاقان

 اسلام آباد(آن لائن) پاکستان مسلم لیگ (ن) نا راہشونک دعویٰ کرینو کہ ”فرینڈزآف خان“ نا رخصتی خڑک ءِ، دا ملکی تاریخ نا کرپٹ ترین انگا حکومت ءِ، مائنس ون آخا بلکہ مائنس پی ٹی آئی مننگ اٹی ءِ، وخت اس کہ ن لیگ مقبوضہ کشمیر نا حالیت آ قومی اسمبلی نا دیوان ءِ بٹنگ انگ نا خواست ہم کرینے۔ پاکستان مسلم لیگ (ن) نا جنرل سیکرٹری احسن اقبال تدوک آ دے مسکوہی وزیراعظم شاہد خاقان عباسی تون اوار پریس کانفرنس کرسا پارینے کہ وزیراعظم تینا انا نا سوب آن پاکستان نا بدنامی ءِ کننگ اٹی ءِ، اپوزیشن آخا وخت اس کہ حکمران تینٹ تینا کارکڑد نا سوب آن مائنس کننگ اٹی ءِ، ہوائی وڑ نا حکمران آک بھسکاری کریر، داسہ اوفتا ہننگ نا وخت خڑک ءِ، او پارینے کہ حکومتی کارکڑد ہر ادارہ غا سوج ہرفنگ نا وارخواہی تننگ اٹی ءِ، طیارہ شکست نا سوب آن مچ آ دنیا ٹی پاکستان نا رسوائی مس۔ انت دُن انگا حکمران آک پاکستان نا سنگت ءُ؟ او دوبہ خلکنے کہ گلگت بلتستان اٹ افسر تے سیاسی رشوت تننگ انگ ءِ۔ دھاندلی نا موکل تفنہ۔ ساف ءُ گچین کاری اس کرفنگے، نن ہر اسٹ نا جھیڑہ تون مون تننگ کپنہ، مقبوضہ کشمیر ٹی تدوک آ دے پیش بروک آ واقعہ غا ہیت کرسا احسن اقبال پارینے کہ مسہ سال نا چُنا نا مون آ اونا پیرہ ءِ بھارتی فوج شہید کرے۔ دا فوٹو مچ آ دنیا ءِ سما تسنے، لیگی راہشون حکومت آ تنقید کرسا پارینے کہ مقبوضہ کشمیر اٹ لاک ڈاون ءِ سال اس مننگ اٹی ءِ ولے ننا حکومت تران آتیان بیدس ہچ اس کننگ کتو۔ کشمیر اٹ ہڑدے نازرک آ چُنا تا مون آ اوفتا لمہ باوہ غاتے شہید کننگ انگ ءِ ولے ننا حکومت اسہ سال اس زیان کرے۔ ای خواست کیوہ کہ کشمیر نا ویل آ قومی اسمبلی نا دیوان اس بٹنگ انگ ءِ