ایکو ٹورازم ءِ پہہ مننگ و دنیا آن ہیل کننگ نا گرج ءِ، عمران خان

اسلام آباد (اے پی پی) وزیراعظم عمران خان پارینے کہ مستین نا حکومت آک ماحولیات ءِ اہمیت تتوس، داسہ وخت بسنے کہ نن چاگڑدی رکھ اکن گام گیج کین، نیشنل پارک آتا جوڑ کننگ بروک آ چین تیکن اہم ءُ گام اسے۔ ایکو ٹورازم ءِ پہہ مننگ و دنیا آن ہیل کننگ نا گرج ءِ۔ ہندی مخلوق نا اوار مننگ آن پارک و نایاب ساہدار تا رکھ پک مریک و روزگار نا وارخواہی ہم دوبریک۔ پوسکن آ سیل و سواتی علاقہ غاتا ملنگ آن مست بائی لاز جوڑ کننگے، شارتیکن ہم ماسٹر پلان و ٹاون پلاننگ نا گرج ءِ۔ داخیال آتا درشانی ءِ او پنچ شنبے نادے آ چاگڑد ءِ رکھ کننگ نا بھلا گام گیج آتا رداٹ 15 نیشنل پارک آتا جوڑ کننگ نا ڈٹ انا بناءِ کننگ نا وخت آ کرے۔ وزیراعظم نا سلاہکار ماحولیات ملک امین اسلم، خصوصی کمکار حوالکاری و شینکاری لیفٹیننٹ جنرل(ر) عاصم سلیم باجوہ، وزیراعظم نا خصوصی کمکار ڈاکٹر شہباز گل و وزیر مملکت موسمیاتی بدلی زرتاج گل آن بیدس ویڈیو لنک انا کمک اٹ وزیراعلیٰ پنجاب عثمان بزدار، وزیراعلیٰ خیبر پختونخوامحمود خان تون اوار صوبائی حکومت بشمول گلگت بلتستان و آزاد کشمیر نا نمائندہ غاک ہم ساڑی ئسر۔ ورلڈ بیک انا کنٹری ڈائریکٹر و ایشین ڈویلپمنٹ بینک، آئی یو سی این نا کنٹری ڈائریکٹر و ڈبلیو ڈبلیو ایف نا سینئر ڈائریکٹر اسک ہم دود اٹی ساڑی ئسر۔