پی ایس او ناکنڈآن آن لائن کلاس تابرخلاف درخواست دائر کننگا
Get real time updates directly on you device, subscribe now.
کوئٹہ (آن لائن) پشتونخوا اسٹوڈنٹس آرگنائزیشن ناکنڈآن بلوچستان ہائیکورٹ اٹ پشتونخوا لائرز فورم نا وکیل برادری نا نصیب اللہ ترین ایڈووکیٹ نا کماشی ٹی ہائیر ایجوکیشن کمیشن و یونیورسٹی تا کنڈآن آن لائن کلاس تا ناروا پرمان نابرخلاف درخواست دائر کننگا‘ درخواست اٹ موقف تینائی کننگانے کہ پشتونخو ایس او آن لائن کلاس تا برخلاف اف بلکہ آرگنائزیشن مارومسڑطالب علم آتے آسراتی فراوان کننگ نا خواست کننگ اٹی ءِ ہراکہ بلوچستان اٹ مننگ کپک‘ صوبہ ٹی بجلی نا پد ریسہ لوڈ شیڈنگ 15گھنٹہ غان زیات ءِ و صوبہ نا 90درسَد بشخ اٹ انٹرنیٹ و موبائل نیٹ ورک اف‘ پنچ درسَد مارومسڑ طالب علم بیوروکریسی و اسٹیبلشمنٹ و زرکار آتا چناتیکن نیٹ انا آسراتی ارے ولے صوبہ نا 95درسَد غریب طالب علم آک دا آسراتی آن محروم ءُ۔ درخواست اٹ پاننگانے کہ شرفمند عدالت صوبہ نا ڈغاری راستکی تے مون آ تخسا آن لائن کلاس تا پرمان نا اولسر جاچ ءِ ہلنگ و فیس تننگ نا پرمان ءِ دمدستی منسوخ کے۔