سیالکوٹ کن 20 وینٹی لیٹر تون اوار 150 ملین روپئی نا طبی گڑافراوان کننگا، عثمان ڈار

اسلام آباد (اے پی پی) این ڈی ایم اے نا کنڈآن مچ آ ملک اٹی رکھی گڑاتا فراوانی نا کاریم پدریسہ برجاءِ۔ چیئرمین این ڈی ایم اے جنرل محمد افضل تون وزیراعظم نا خصوصی کمکار عثمان ڈار اوڑدہی کرے اوکان پد این ڈی ایم اے سیالکوٹ کن 150 ملین روپئی نا طبی گڑا فراوان کرے۔ پنچ شنبے نادے آ جاری پریس ریلیز نا رداٹ طبی گڑاتیٹی 5 ہزار ٹیسٹنگ کٹ، 20 وینٹی لیٹر و ایلو المی آ ازباب آک اوار ءُ۔ این ڈی ایم اے طبی گڑاتا گدریفنگ نا عمل ءِ منہ گھنٹہ ٹی پورو کرے۔ خصوصی کمکار ورنا باندات عثمان ڈار چیئرمین این ڈی ایم اے نا منت واری ءِ ہرفے۔ عثمان ڈار پارے کہ سیالکوٹ اٹی پوریاگر برادری نا کمک اٹ پوسکن ءُ ٹیسٹنگ لیب اس جوڑ کرینن۔ این ڈی ایم اے نا کمک اٹ طبی بشخ انا لائخی تیٹی پبی ودکی مریک۔ اوپارے کہ بدبختی اٹ مہالو سیالکوٹ ءِ جان جوڑی نا بشخ اٹ بھاز بے وڑ گوجالنگا۔ خواجہ آصف 30 سال اٹی علامہ اقبال ٹیچنگ ہسپتال ءِ 1 وینٹی لیٹر اسکان تننگ کتنے۔ اوپارے کہ ہسپتال آتا حالیت ءِ گچین کننگ کن دے و نن خواری کننگ اُن۔ 125 ہائی فلو آکسیجن کٹ ہسپتال آتیا سرکننگانے۔