کنوئی آگڑاتے کبین بہا کروک آتا برخلاف کارروائی کننگک‘ڈپٹی کمشنر کوئٹہ

کوئٹہ (خ ن) ڈپٹی کمشنرکوئٹہ وچیئرمین ضلعی پرائس کنٹرول کمیٹی میجر (ر) اورنگزیب بادینی ناکماشی ٹی پرائس کنٹرول کمیٹی نا دیوان اڈ ہلک‘ دیوان اٹ فیصلہ کننگا کہ سرکاری پرائس لسٹ اٹ پک کروک نہاد آتے ٹی داسکان ہچ ءُ ردوبدل اس کننگپک ولے تینٹ کبینی کروک و بندغ آتیا کنوئی آگڑاتے کبین بہا کروک آتا برخلاف کارروائی کننگک۔ دیوان اٹ ایڈیشنل ڈپٹی کمشنر کوئٹہ (جنرل) ثاقب خان کاکڑ، اسسٹنٹ کمشنر( سٹی) سید ندا کاظمی، اسسٹنٹ کمشنر( صدر) حمیرا بلوچ، اسپیشل مجسٹریٹ سید سمیع اللہ، حنیف کبزئی و اسد سمالانی، ڈی ایس پی (این ڈی پی او)سید امین اللہ، ڈی ایچ او ڈاکٹر زمان، صدر مرکزی انجمن تاجران بلوچستان دکانداران امردین آغا و چیئرمین ٹکری حمید بنگلزئی، صدر مرکزی انجمن تاجران بلوچستان عبدالرحیم کاکڑ و جنرل سیکرٹری اللہ داد ترین، چیف کوآرڈینیٹرپامیر کنزیومر سوسائٹی نذر محمد بڑیچ، سول سوسائٹی نا میر اسلم رند آن بیدس مٹن اینڈ بیف ایسوسی ایشن، صدر ڈیری فارمز ایسوسی ایشن، پولٹری فارمز، صدر ملک شاپ ایلو تعلقدار ایسوسی ایشن تا عہدیدار و باسک آک ساڑی ئسر۔دا وخت آ ڈی سی کوئٹہ پارے کہ حکومت پوریاگر برادری ءِ آسراتی رسیفک، و الس ءِ آسراتی رسیفنگ کن پوریاگرک حکومت تون بایدے کمکار مریر۔