اسٹاف لیول معاہدہ مس تو 3ارب ڈالر پین رسینگک، وزارت خزانہ

اسلام آباد : وزارت خزانہ ناکمامدار آک پارینو کہ اسٹاف لیول معاہدہ مس تو مسہ ارب ڈالر پین رسینگک‘ آئی ایم ایف تون دوارہ پدریسہ حالی حوالی ارین‘ نن تون آئی ایم ایف آن بیدس پین ہچ ءُ آپشن اس اف‘ وزارت خزانہ نا حوالی نا رد اٹ پاکستان آئی ایم ایف ءِ 6 ارب ڈالر نا پیشن نا فنانسنگ کن شڑت آتے ٹی خلکت نا خواست تسوسس کہ شش ارب ڈالر نا پیشن نا فنانسنگ نا شڑت آتے چٹفنگے ہراڑا آئی ایم ایف پاکستان نا دا خوست ءِ مسترد کرینے و شڑت آتے ٹی خلکت نابابت سَفا نمن مسنے‘ حوالی نا رد اٹ پاکستان مسہ ارب ڈالر نا پیشن نا فنانسگ نا گارنٹی تسنے‘ چین، سعودی عرب و امارات پاکستان کن ضمانت تسوسر‘ جہانی بینک و ایشین انفراسٹرکچر انویسٹمنٹ بینک ہم کمک آ امنا کرینو‘ کمامدار آتا رد اٹ پاکستان نا کل گام گیج آتیان پد ہم آئی ایم ایف است جم متنے و پاننگ اٹی ءِ کہ پاکستان مسہ ارب ڈالر سنگت ملک آتیان ہلے نشان ایتے‘ وزارت خزانہ نا حوالی نا رد اٹ نئے آئی ایم ایف شڑت آتے ٹی خلکت کرے و نئے پاکستان بجٹ اسٹریٹیجی پیپر کننگ کرے‘ اپریل اسکان تیار مروک اسٹریٹیجی پپیر بجٹ آن 8 دے مست اسکان ہم تیار متنے‘ زرگزرانی حالیت و آئی ایم ایف پروگرام نا سوب آن بجٹ اسٹریٹیجی پیپر پد تمانے۔آئی ایم ایف مسکوہی حکومت نا ہیبدار رویہ نا سوب آن پاکستان آ پت کپننگ اٹی ءِ، اسٹاف لیول معاہدہ مس تو ننے ہمیں فنانسنگ رسینگک۔ پاکستان مسہ ارب ڈالر نا وام تا زمواری ءِ پدی کرے ڈیفالٹ کتنے۔ اسٹاف لیول معاہدہ مس تو مسہ ارب ڈالر پین رسینگک۔ آئی ایم ایف تون دوارہ پد ریسہ حالی حوالی ان۔ نن تون آئی ایم ایف آن بیدس پین ہچ ءُ آپشن اس اف۔

(آن لائن)