9 مئی نا واقعہ غاتا مذمت، سردار عثمان بزدار ہم تحریک انصاف ءِ اِلا

کوئٹہ : مسکوہی وزیراعلی پنجاب و پاکستان تحریک انصاف نا سنیئر بنجائی راہشون سردار عثمان بزدار 9مئی نا واقعہ غاتا مذمت ءِ کرسا ملک و فوج اتون مدام سلنگ نا عزم ءِ کرسا سیاست ءِ النگ ناپڑو کرے۔ دا خیال آتا درشانی ءِ او جمعہ نا دے کوئٹہ پریس کلب اٹ پریس کانفرنس نا وخت آ کرے‘ مسکوہی وزیراعلیٰ پنجاب سردار عثمان بزدار پارے کہ 9 مئی نا واقعہ غاتا اخس کہ مذمت ءِ کننگے کم ءِ انتےء کہ نن مدام شرافت نا سیاست کرینن۔9مئی آ ہرا ملکیت آتے خاخر تننگا او ملکی ادارہ غاک ئسر۔ او پارے کہ پاک فوج اتون سلوک ان و مدام سلنہ انتئے کہ پاک فوج ملک و قوم انا رکھ انا ضامن ءِ‘ کل اسٹیک ہولڈر آتیان خواست ءِ کہ ملک انا گچین آخبت نا سجفر۔مسکوہی وزیراعلی سردار عثمان بزدار پارے کہ 3 سال صوبہ پنجاب ناالس نا خذمت ءِ کریٹ‘ ای مدام شرافت نا سیاست کرینٹ۔ 14تُو آن کیس تتون مون تننگ اٹی اٹ و سیاست اٹ ایکٹو افٹ‘ ہندا سوب آن ای سوچاٹ کہ منہ وخت اکن سیاست آن مُر مریو۔سردار عثمان بزدار خواست کرے کہ بے گناہ بندغ آتتون خلکت اٹ کاریم کننگے واوفتے یلہ کننگے۔ ای نیک نیتی اٹ الس نا خذمت کریٹ۔

(آن لائن)