چوہدری پرویزالٰہی ءِ گوجرانوالہ غا گدریفنگ نا فیصلہ
Get real time updates directly on you device, subscribe now.
لاہور : مسکوہی وزیراعلیٰ چوہدری پرویزالٰہی ءِ اینٹی کرپشن عدالت اٹ پیش کننگ کن گوجرانوالہ غا گدریفنگ نافیصلہ کننگانے۔ پی ٹی آئی نا صدر و مسکوہی وزیراعلیٰ پنجاب چوہدری پرویزالٰہی ءِ گوجرانوالہ غا گدریفنگ نافیصلہ کننگا‘ چوہدری پرویزالٰہی آ گوجرانوالہ و گجرات اٹ ارب آ روپئی تا کرپشن نا 2 مقدمہ درج ءُ‘ چوہدری پرویزالٰہی نا یکم جون آ گوجرانوالہ نا مقدمہ ٹی ضمانت منسوخ مسوسس۔چوہدری پرویزالٰہی ءِ گوجرانوالہ نا اینٹی کرپشن عدالت اٹ پیش کننگک‘ چوہدری پرویزالٰہی ءِ گوجرانوالہ غا گدریفنگ کن ایلیٹ فورس انا کارندہ غاک سرمسنو۔ یات سلے کہ چوہدری پرویزالٰہی ءِ یلہ مننگ آن پد دوارہ دزگیر کننگا۔ اینٹی کرپشن عدالت پرویز الہی ءِ کرپشن نا مقدمہ غان بری کننگ نا پرمان کرے ولے اودے اسہ پین مقدمہ سے ٹی دزگیر کننگانے۔
(آن لائن)