وزیراعظم اینو رجب طیب اردگان نا سوغندی دود اٹ بشخ ہلیک
Get real time updates directly on you device, subscribe now.
اسلام آباد : وزیراعظم شہباز شریف اینو ہفتہ نا دے ترکیہ نا پوسکن گچین مروک آ صدر رجب طیب اردگان نا سوغندی دود اٹ بشخ ہلیک‘ حوالی نا رد اٹ ترکیہ ناپوسکن گچین مروک آ صدر جب طیب ایردوان نا سوغندی دود اینو ہفتہ نادے اڈہلیک‘ وزیراعظم شہبازشریف ترک صدر نا سوغندی دود اٹ بشخ ہلیک‘ حوالی نا رد اٹ وزیراعظم نا دورہ پاکستان و ترکیہ نا نیام اٹ ایلمی آ ساڑی تعلقداری تا درشانی ءِ۔ حوالی نا رد اٹ وزیراعظم محمد شہباز شریف رجب طیب ایردوان ءِ حکومت و پاکستانی الس ناکنڈآن مبارکبادی ایتک‘ حوالی نا رد اٹ وزیراعظم صدر اردگان ءِ اسلام آباد اٹ بڑزکو کہولی اسٹریٹجک کو آپریشن کونسل اٹ بشخ ہلنگ ناسلہ خلیک‘ سفارتی حوالی نا رد اٹ پاکستان و ترکیہ نا تعلقداریک اسہ عقیدہ‘ دود ربیدہ و تاریخ نا مماثلت آ تالان ءُ‘ تعلقداریک تین پہ تینی پت و علاقہ و جہانی باندات آتیا نظریہ نا ہم آہنگی آن سوگو مریرہ‘ بڑزکو سرکڑدہ غاتا کہول آ چندی دورہ غاک ہڑتوم آ ملک آتا نیام اٹ تعلقداری تا سوگوی ءِ نمان کیرہ۔
(آن لائن)