’جیل اٹی ہچ ءُ بیداد اس متنے، دزگیر نیاڑی تا حوال

اسلام آباد : 9 مئی نا پرغ وبٹ و خاخر خلنگ نا مقدمہ غاتے ٹی دزگیر نیاڑیک جیل اٹ بیدادی نا خبرتا تردیدکرینو‘ عدالت اٹ پیشی نا وخت آ نیاڑیک پک کریر کہ اوفتتون ہچ ءُ بیداد اس متنے۔ او پاریر کہ ننے جیل اٹ بند کننگ بیدادی اسے‘ ہچ اس کتنن تو گڑا بایدے جیل اٹ بند کننگپ‘ اسہ نیاڑی اس پارے کہ کل آن بھلا بیداد دادے کہ نیاڑی تے ننکان اُراتیان ہرفسا بند کننگک‘ نیاڑی تے دا وڑ انا مقدمہ غاتے ٹی شست کننگپ۔ داکان مست نگران حوالکاری وزیر پنجاب عامر میر پارینے کہ مچ آ صوبہ ٹی 9 مئی نا تخریب کاری نا زموار 300 آن 46 نیاڑی ءِ دزگیر کننگانے۔ عامر میر پارے کہ دزگیر کروک 29 نیاڑی ضمانت آ یلہ مسنو و جیل اٹ بند 17 نیاڑی نا شناخت پریڈ برجاءِ‘ حوالکاری وزیر پارے کہ کانود نا رد اٹ نئے کس آ بیدادی کننگک و نئے کس ءِ رعایت رسینگک۔

(مانیٹرنگ ڈیسک)