حکومت گوادر اٹ جانجوڑی نا فراوانی کن گام گیج کننگ اٹی ءِ‘ مجیب قمبرانی

گوادر: ڈائریکٹر جنرل ادارہ شونداری گوادر مجیب الرحمٰن قمبرانی پارینے کہ ساڑی حکومت گوادر اٹ اُلس نا صحت عامہ نا فراوانی ءِ ہر ممکن گام گیج کننگ اٹی ءِ۔ ادارہ شونداری گوادر گوادر نا شونداری تون اوار اوار دا جاگہ نا بندغ آتے بنداوی گرج آک زند انا فراوانی کن دے و نن خواہندار ءُ۔ اُلس ءِ جانجوڑی نا بشخ اٹ بڑزکو طبی آسراتی تا فراوانی کن جی ڈی اے نا جہد ءِ برجا ءِ۔ گوادر نا اُلس ءِ جوان طبی آسراتی تا فراوانی نا جوزہ نا رداٹ انڈس ہسپتال گوادر اٹ طبی خدمت فراوان کننگ نا رداٹ گوادر اٹ جانجوڑی نا بشخ اٹ اسہ و جوان گام گیج کننگ اٹی ءِ۔ او پارینے کہ جی ڈی اے ہسپتال گوادر نا کنڈآن انڈس ہسپتال اینڈ ہیلتھ نیٹورک گوادر نا اُلس ءِ ایمرجنسی وارڈ اٹ ٹیلی میڈیسن نا آسراتی بنا کننگ نا تیاری ءِ پورو کرینے۔

(خ ن)