آب اٹنگا تعلیم آ چکار نا گرج آن کس نمن مننگ کپک، سعید عمرانی

ژوب: کمشنر ژوب ڈویژن سعید احمد عمرانی و پرنسپل بی آر سی پروفیسر حسن اقبال پارینے کہ آب تعلیم آ سجفنگ نا گرج و اہمیت آن نمن ممکن اف، آب تعلیم نا کمک اٹ ساڑی دور انا چیلنج آتون مون تروئی تمک۔ دا خیال آتا درشانی ءِ او بی آر سی ژوب نا ایلو بیج انا فارغ التحصیل طالبعلم نا اعزاز اٹ اڈ ہلوک سفاروکی دود آن تران کرسا کرے۔ دود اٹ ایس پی عرفان علی اسسٹنٹ کمشنر حافظ طارق وائس پرنسپل نجف حسین ڈائریکٹر بیوٹمز ڈاکٹر عبدالسلام لودھی پروفیسر گل دار علی وزیر پروفیسر محمد نعیم کاکڑ پروفیسر ازمیر خان مندوخیل پروفیسر سردار علی وزیر پروفیسر خورشید شاہ بخاری لیکچرر عبدالصمد ناصر والدین و ایلوفک ساڑی ئس۔ کمشنر ژوب ڈویژن سعید احمد عمرانی پارینے کہ بی آر سی ڑوب نا حساب صوبہ نا حساب صوبہ نا جوان اقامتی ادارہ غاتیٹی ءِ، کالج نا طالبعلم آک مڈل میڑک و ایف ایس سی نا امتحان تیٹی مچ آ صوبہ ٹی ٹاپ پوزیشن دوئی کرینے ہرا نہ بیرہ کالج وخت اس کہ مچ آ ژوب ڈویژن کن اسہ اعزاز اسے۔ او پارینے کہ ساڑی دور انا گرج آتون مون تننگ کن آب تعلیم آ سلاہ خلنگ نا گرج و اہمیت آن نمن مننگ ممکن اف۔ دا جوان ءُ ہیت اسے کہ ننا صوبہ ٹی آب تعلیم ءِ جوان کننگ کن بی آر سی ژوب آنبار اقامتی ادارہ ساڑی ءُ۔

(خ ن)