لورالائی ءِ راشن تننگ نا غٹ سرجم آتے میڈیا غا جاری کننگے‘السی تپہ ناخواست
Get real time updates directly on you device, subscribe now.
لورالائی(آن لائن) لورالائی نا راجی و غریب تپہ غاک نےب بلوچستان آن خواست کرسا پارینو کہ لورالائی ٹی غریب آتے راشن تننگ اٹ بھلو کچ اسے ٹی کرپشن مسنے و راشن مہشون اٹ تینائی و سرکاری ملازم آتا پن تے شاغسا بشخ وپانٹ کننگانے و داڑتون اوار الس ءِ رسینگوک راشن اٹ کم وزن و ہیبدار گڑاتے تینا است پسند پوریاگر تیان ہلنگانے۔نُت 50کلو نا جاگہ غا 44 کلو آن ہم شاغنگانے‘ ہندن بورہ 5 کلو، چڑیا نا دال انا جاگہ غا ےورپی ملک آتے ٹی ساہدار تروک مٹر دانہ 5 کلو، تیل اِرا کلو، چا انا پتی400 گرام شیفکو کوالٹی، برنج سےلا 4کلو فراوان کننگانے‘ السی تپّہ غاک خواست کرسا پارینو کہ بنجائی و صوبائی حکومت ناکنڈآن ضلع لورالائی ءِ راشن تننگ نا غٹ سرجم آتے مےڈےا غا جاری کننگے۔ او پاریر کہ غرےب آتا پن آ بروک پیسہ غاتے ٹی کس ءِ ہم لٹ وپل نا موکل تننگپک۔