پی ٹی آئی نا حکومت ناقادیانی تے قومی اقلیتی کمیشن اٹ اوار کننگ نا مذمت ءِ کینہ ‘بشیرماندائی
Get real time updates directly on you device, subscribe now.
کوئٹہ (آن لائن) جماعت اسلامی ناصوبائی نائب امیربشیر احمدماندائی پارینے کہ پی ٹی آئی نا حکومت قادیانی تے قومی اقلیتی کمیشن اٹ اوار کننگ نا ہرا فیصلہ ءِ کرینے اونا مذمت ءِ کینہ ہراڑا مچ آ پاکستانی قوم انا گڑتیک اریر۔ تانکہ قادیانیک مچ آدنیا نا مون آتینے اقلیت پاپسہ تینا مذہب و کتاب نا پن ءِ ہلپسہ ہمو وخت اسکان اوفتے اسہ سرکاری عہدہ اس ہم تننگ مفک‘ دا پاکستان نا آئین و کانود نا خلاف ورزی ءِ۔ قادیانیک اقلیتی کمیشن اٹ اوار مرسا ہرا مذہب نا نمائندگی ءِ کننگ خوارہ۔ دا خیال آتا درشانی ءِ او ڈیرہ مرادجمالی مرکزاسلامی ٹی ڈل اتون ہیت وگپ کرسا کرے۔ او پارے کہ حکومت جہانی ناجوڑی نادے تے ٹی قادیانی تے قومی اقلیتی کمیشن اٹ اوار کرسا قادیانی تے فائدہ رسیفنگ سجفنگ اٹی ءِ۔حکمران آتا اولیت آتا کساس کننگ مریک کہ او ہرا ایجنڈا غا عمل کننگ اٹی ءُ۔