کشارگر آتے کشاری دیر انا فراوانی ٹی گچینی و ودکی کن کل دوئی وسیلہ غاتے کاریم اٹ اتنگ انگ ءِ‘ شمس بادینی
Get real time updates directly on you device, subscribe now.
نصیرآباد، ایگزیکٹو انجینئر پٹ فیڈر کینال شمس الملک بادینی پارینے کہ ربیع سیزن اٹ کشارگر آتے کشاری دیر انا فراوانی اٹی گچینی و ودکی کن کل دوئی وسیلہ غاتے کاریم اٹ اتنگ انگ ءِ‘ سندھ آن پٹ فیڈر کینال اٹی دیر بننگ اٹی ءِ‘ دا وخت آ کینال اٹی 3500 کیوسک دیر فراوان کننگ انگ ءِ‘ ہراڑان کشارگر آتے مون تروک دیر انا کاختی و مشکل آتے ٹی نمان کمتی بریک۔ او پارے کہ صوبائی وزیر آبپاشی میر محمد صادق عمرانی و صوبائی سیکرٹری آبپاشی سہیل الرحمن بلوچ نا خصوصی پارت نارد اٹ زمیندار آتا فائدہ غاتے ہُرسا کشاری دیر انا انصاف اٹ بشخ و پانٹ و فراوانی کن بھرمی گام گیج کننگ انگ ءِ