ڈی سی وریندر لعل نا ٹراما سینٹر ڈیرہ مراد جمالی نا اناگت دورہ

نصیرآباد / ڈپٹی کمشنر نصیرآباد وریندر لعل ٹرین شکست اٹی اسہ چنکو مسڑکو سے نا زوال مننگ نا حوال رسینگ تون دمدستی وڑ اٹ ٹراما سینٹر ڈیرہ مراد جمالی نا اناگت دورہ ءِ کرے و ہموڑے فراوان کروک طبی آسراتی، ڈاکٹر و پیرامیڈیکل اسٹاف نا حاضری نا جم جاچ ءِ ہلک۔ دورہ نا وخت آ ڈپٹی کمشنر حاضری رجسٹر ءِ چیک کرے و ڈیوٹی آن غیر حاضر ڈاکٹر و پیرامیڈیکل اسٹاف نا غیر حاضری آ سخت ترندی نا درشانی ءِ کرے، او تعلقدار کمامدار آتے پارت کرے کہ غیر حاضر کارندہ نا برخلاف قاعدہ و ضابطہ نا رِد اٹ سخت کانودی و محکمانہ کارروائی کننگے‘ دا رد اٹ ہچ وڑ انا ڈیوالئی یا بے پرواہی سگنگ مفک۔ داوخت آ ڈپٹی کمشنر وریندر لعل پارے کہ ٹراما سینٹر اسہ بھاز اہم ءُ طبی ادارہ اسے ہراڑے شکست و ہلہلہ ئی حالیت آتیٹی ٹھپی و ناجوڑ آتے دمدستی طبی کمک فراوان کننگک۔