جھالاوان میڈیکل کالج ءِ پین فعال کننگک‘ نوابزادہ امیر حمزہ زہری

کوئٹہ، صوبائی سلاہکار بلدیات و خلقی شونداری نوابزادہ امیر حمزہ خان زہری تون پرنسپل جھالاوان میڈیکل کالج خضدار ڈاکٹر بزن بزنجو جھالاوان ہاؤس کوئٹہ ٹی اوڑدہی کرے۔ اوڑدہی ناوخت آ جھالاوان میڈیکل کالج ءِ مون تروک انتظامی و مالی ویل، کالج نا فعالیت و خوانوک ہاؤس جاب ڈاکٹرز آتے مون تروک مشکل آتتون اوار جتا جتا باندات آتیا جم گپ وتران کننگا۔ دا وخت آ پرنسپل ڈاکٹر بزن بزنجو صوبائی سلاہکار ءِ میڈیکل کالج نا ساڑی حالیت، مون تروک مالی مشکل و ہاؤس جاب ڈاکٹر آتا ویل آتیان معلومدار کرے۔ صوبائی سلاہکار بلدیات نوابزادہ امیر حمزہ زہری ویل آتا ایسری کن وس انا کچ آ کمک کننگ نا باوری کرفسا پارے کہ جھالاوان میڈیکل کالج ءِ پین فعال و بھرمی جوڑ کننگ کن کل ساڑی وسیلہ غاتے کاریم اٹ اتنگک او پارے کہ جانجوڑی و تعلیم نا بشخ آتیٹی ہچ وڑانا سمجھوتہ کننگپکو، دا بشخ آتا گچینی حکومت نا اولیت آتیٹی اوار ءِ۔