وزیراعظم نا خصوصی پٹرول ریلیف اسکیم آن الس ءِ فائدہ رسیفنگے
Get real time updates directly on you device, subscribe now.
جعفرآباد، ڈپٹی کمشنر جعفرآباد خالد خان نا پرمان نارد اٹ اسسٹنٹ کمشنر جھٹ پٹ دھیرج کالرا شار انا جتا پٹرول پمپ آتا اناگت دورہ ءِ کرے۔ دورہ نا وخت آ پٹرول نا دوئی مننگ‘ کچ و پک کروک نہاد ءِ پاش خلنگ تون اوار ایلو بست بند آتا جاچ ءِ ہلنگا‘ اسسٹنٹ کمشنر وزیراعظم نا خصوصی پٹرول ریلیف اسکیم نا رد اٹ جاری کروک ٹوکن و تعلقدار ریکارڈ ہم چیک کرے و پمپ انتظامیہ ءِ پارت کرے کہ اسکیم نا رد اٹ حقدار شاری تے پک کروک وڑوڈول نا رد اٹ اٹ ریلیف نا فراوانی ءِ پک کننگے وخت اس کہ ٹوکن و ریکارڈ اٹی پورو شفافیت ءِ برجا تخنگے‘ او پٹرول پمپ آتیا کچ انا نظام و ریکارڈ نا ہم جاچ ءِ ہلک و انتظامیہ ءِ پارت کرے کہ الس ءِ پک کروک نہاد نا رد اٹ آب اٹ و پورو گیج اٹ پٹرول نا فراوانی ءِ پک کننگے۔