نسٹ انا طالب علم و فیکلٹی باسک آتا نیب کمپلیکس نا دورہ
Get real time updates directly on you device, subscribe now.
کوئٹہ، نیشنل یونیورسٹی آف سائنس اینڈ ٹیکنالوجی (NUST) نا طالب علم و فیکلٹی باسک آتیا تالان اسہ ڈل اس تدوک آ دے اورینٹیشن پروگرام نا رد اٹ نیب کمپلیکس کوئٹہ نا دورہ ءِ کرے۔ ڈل ءِ ڈائریکٹر جنرل نیب بلوچستان نا کنڈ آن ڈائریکٹر اویئرنس اینڈ پریونشن محمد سلیم احمد و اونا ٹیم جم وجوش اٹ بخیر کریر۔ دورہ نا وخت آ مہمان تے قومی احتساب بیورو نا کاریم نا وڑوڈول و باندات آتتون تعلقدار جم بریفنگ تننگا۔ بریفنگ اٹی قومی احتساب آرڈیننس 1999 نا رد اٹ نیب انا کاریمی دنگ‘ نیب انا مسٹمیکو حکمت عملی‘ توننگ و نفاذ، غاو انا پک کننگ آن ہلیس ریفرنس اسکان نا ریسہ و این اے او (NAO) ٹی داسہ نا کانودی ترمیم تون تعلقدار سرجم تیان معلومدار کننگا۔ دا وخت آ مہمان تے وڈی خوری نا چٹفنگ اٹ ورناتا کڑد ءِ پیدوار کروک اسہ چنکو مستند فلم اس ہم نشان تننگا۔