ٹرمپ نا ایران آن تعلقدار ترند بیان، ’معاہدہ یا کارروائی‘ نا فیصلہ زوت کننگ نا اشارہ

واشنگٹن، امریکی صدر ڈونلڈ ٹرمپ ایران تون برجا کشمکش آن تعلقدار پارینے کہ امریکہ ءِ دا فیصلہ کروئی تمو کہ ایران تون معاہدہ کننگے یا عسکری کارروائی کننگے؛ وائٹ ہاؤس اٹی صحافی آتتون ہیت و تران نا نیام اٹی امریکی صدر آن ایران تون معاہدہ نا امکان آن تعلقدار سوج کننگا؛ دا آ ڈونلڈ ٹرمپ پارے کہ گمان ہے ایران آ بمباری نا شست کننگے، البتہ معاہدہ نا کسر بھی ساڑی ہے و امریکہ ءِ ہڑتوم آتآن اسہ کسر اسے نا فیصلہ کروئی تمو؛ ٹرمپ پارے کہ وخت خُرک مسنے و بے کچ زوت کسی نہ کسی دروشم اٹی ایران آن تعلقدار معاملے نا ہلاس مرو؛ امریکی صدر نا دا بیان ایران تون برجا کشمکش نا تناظر اٹی مون آ بسنے۔