پاکستان و آئی ایم ایف نا نیام اٹی زرگزرانی مذاکرات برجا، گرانی ٹی کمتی نا پیشگوئی

اسلام آباد، پاکستان و بین الاقوامی مالیاتی فنڈ (آئی ایم ایف) نا نیام اٹی زرگزرانی جاچ نا مذاکرات برجا ءُ، ہرافتے ٹی ملکی معیشت نا ساڑی حالیت، شرحِ نمو، گرانی، زرمبادلہ نا ذخائر و بیرونی تجارت آن تعلقدار تخمینہ غاتیا ہیت و تران کننگنگ اٹی ہے؛ ذرائع تا رِد اٹ پاکستانی زرگزرانی ٹیم آئی ایم ایف جاچ مشن ءِ زرگزرانی اشاریہ غاتیا بریفنگ ترسا زرگزرانی منظرنامہ ءِ سوگو قرار تسنے؛ کمامدار تا رِد اٹ روپئی نا قدر اٹی سوگوی و گرانی ٹی کمتی نا توقع ہیخت اس کہ جاری مالی سال کرنٹ اکاؤنٹ خسارہ 2.5 آن 3 ارب ڈالر نا نیام اٹی سلنگ نا امکان ہے؛ البتہ ایکسچینج ریٹ و شرحِ سود نا معاملے آ پاکستان و آئی ایم ایف نا موقف اٹی اختلافیک برجا ءُ؛ ذرائع نا پاننگ ہے کہ آئی ایم ایف مارکیٹ نا بنداو آ شرحِ تبادلہ برقرار تخنگ و گرانی آ قابو ہرفنگ کن محتاط مالیاتی پالیسی آ زور شاغنگ اٹی ہیخت اس کہ اسٹیٹ بینک 11.5 فیصد پالیسی ریٹ ءِ ساڑی حالیت آتیٹی مناسب قرار تسنے۔