’فتنہ الخوارج‘ و ’فتنہ الہندوستان‘ نا ہند آتے شست کننگا، گران سلہہ و گولا بارود بھی بھس، وزارتِ اطلاعات

اسلام آباد، وزارتِ اطلاعات و نشریات نا رِد اٹ افغان طالبان نا انڈر علاقہ غاتیٹی دہشت گرد آتا ہند آتا برخلاف بالائی و ڈرون کارروائیک کننگار، ہرافتے ٹی اِرا جتا ہند آتیا قائم کیمپ آتے پورو وڑ اٹ بھس کننگ نا دعویٰ کننگانے؛ وزارتِ اطلاعات نا بیان نا رِد اٹ کارروائی نا نیام اٹی ’فتنہ الخوارج‘ و ’فتنہ الہندوستان‘ آن منسوب کیمپ آتے شست کننگا؛ بیان اٹی پاننگانے کہ ڈرونز و بالی گاڈی تا کمک اٹ دہشت گرد آتا پناہ گاہ آتیا انتہائی درستی اٹ جلہو کننگار؛ وزارت نا رِد اٹ دا ہند آتیٹی شست کننگوک آ گران سلہہ و گولا بارود بھی بھس کننگا؛ بیان اٹی ودیک دعویٰ کننگانے کہ کیمپ و پناہ گاہ تا برخلاف ٹارگٹڈ بالائی کارروائی نا نتیجہ ٹی دہشت گرد آتا نیٹ ورک ءِ نسخان رسینگا و اوفتا ہند آتے بھس کننگا۔