ایف آئی اے کمیشن ءِ منپنہ، سپریم کورٹ جاست پاست کے، پی ٹی آئی

0

Get real time updates directly on you device, subscribe now.

اسلام آباد/ ملتان: مسکوئی بنجائی وزیر حوالکاری و پاکستان تحریک انصاف (پی ٹی آئی) نا راہشون فواد چوہدری پارینے کہ سائفر نا جاست پاست ءِ ایف آئی اے نا جاگہ غا سپریم کورٹ نا جوڑ کروک کمیشن کے‘راجی رابطہ نا ویب سائٹ ٹوئٹر آ پی ٹی آئی نا راہشون پارے کہ عمران خان نا حکومت ءِ اسہ سازش اسے نا رد اٹ اینک کننگا‘ سائفر نا جاست پاست آ حکومتی امنائی جوان ءُ گام اسے‘ اوپارے کہ جاست پاست ءِ بنجائی جاست پاستی ادارہ (ایف آئی اے) نا جاگہ غا سپریم کورٹ نا جوڑ کروک کمیشن کے تاکہ کل گڑاس پیدوار مریر و ہندا وڑ انا کمیشن اس آڈیو لیکس انا جاست پاست کن ہم بایدے ٹہیفنگے۔ داکان بیدس پاکستان تحریک انصاف نا وائس چیئرمین ومسکوہی وزیر خارجہ شاہ محمود قریشی پارینے کہ بنجائی کابینہ سائفر نا جاست پاست کننگ نا زمواری ءِ ایف آئی اے ءِ تسنے‘ پک مس کہ سائفر آ ننا موقف سہی ئس‘ حکمران آک جاست پاست نا شوق ءِ پورو کیر‘ نن دن ءُ ہچ ءُ گام اس ہرفتنن ہراڑان ملکی فائدہ غاتے نسخان رسینگے‘ حکومت دروآن ہبکہ ءِ۔ ملتان اٹ تینا ہنکین اٹ پریس کانفرنس کرسا شاہ محمود قریشی پارے کہ پی ٹی آئی کانودی‘ سیاسی پڑ آ حکومت تون مون تننگ کن سنبرینگوک ءِ‘ بروک آ منہ دے بھاز اہم مریرہ‘ نن دامن سفا ءِ نن سوج آتا ورندی ءِ ایتنہ۔ عمران خان دَرو اشارہ تس کہ او الس ءِ پیش تمنگ ناپاہک‘ عمران خان نا کال ملک ءِ حکومت آن نجات ترفنگ کن مریک‘ پارٹی کارندہ غاک مچ آ پاکستان اٹ تیارسلوک مریر‘ سیاسی وڑ اٹ حکومت بند انگا گلی ٹی گٹ سنے۔ پی ٹی آئی نا راہشون مستی پارے کہ اینو کابینہ عمران خان، اسد عمر و کنا برخلاف کارروائی نا فیصلہ کرے‘ ایف آئی اے ءِ پاننگانے کہ او جاست پاست کیر۔ سائفر اسہ راست اسے ہرادے حکومت امنا کرینے‘ ہندا بندغ آک منہ وخت مست اسکان سائفر ءِ راست منتوسہ۔ ای مسکوہی سفیر تون ڈونلڈ لو نا اوڑدہی نا بابت چٹھی ءِ خواناٹ‘ ای چٹھی ءِ خواناٹ و سمجھائفیٹ کہ ملک اکن رسک اسے۔

Get real time updates directly on you device, subscribe now.

Leave A Reply

Your email address will not be published.