پاکستان نا کنڈ آن طالبان تے جنگ بندی آ منفنگ کن کڑدا دا کننگ نا قول

اسلام آباد(آن لائن) اوغان مصالحتی کونسل نا کماش ڈاکٹر عبد اللہ عبد اللہ پارینے کہ پاکستان طالبان ءِ جنگ بندی آ منفنگ کن کڑد ادا کننگ نا قول کرینے۔ اوغان مصالحتی کونسل نا کماش عبداللہ عبد اللہ مسہ دے ئی دورہ پاکستان نا ایسری آ عرب میڈیا ءِ انٹرویو ترسا پارینے کہ طالبان نا کنڈآن جنگ بندی و سیز فائر نا معاملہ غا اوغانستان و پاکستان اسہ لائن اٹ سلوک ءُ۔ او پارینے کہ پاکستان نا سول و ملٹری لیڈر شپ ءِ اوغان امن عمل نا بابت اٹ ہچ ءُ تحفظات اس اف و پاکستان طالبان ءِ جنگ بندی آ منفنگ کن کڑد ادا کننگ نا قول کرینے۔ اوغان مصالحتی کونسل نا کماش پارینے کہ اگہ طالبان ءِ جنگ بندی نا بابت ویل مون تروک ارے تو پین ہم کیہی کسرک اریر، دہنکہ انسانی بنداو آ سیز فائر و جھیڑہ ئی آ کارروائی تیٹی جوان کمتی ہم جنگ بندی نا اسٹ انگا کسر ءِ۔ طالبان تون دوحا مذاکرات نا بابت اٹ ہیت کرسا ڈاکٹر عبداللہ عبداللہ پارے کہ انتئے دا ڈیل ءِ داخو بھلو سیل اس جوڑ کننگ انگ ءِ کہ نن داٹی اختہ مننگ اٹی اُن، نن تینا ٹیم ءِ جوان کاریم کننگ نا پارت کرینن۔