ضلع دکی نا ویل آتے اولیت نا بنداو آ ایسر کننگک‘وزیراعلیٰ بلوچستان
Get real time updates directly on you device, subscribe now.
کوئٹہ (خ ن/ اے پی پی) وزیراعلیٰ بلوچستان جام کمال خان تون بلوچستان عوامی پارٹی نا راہشون ڈاکٹر نواز خان ناصر ناکماشی ٹی دکی نا ڈل وزیراعلیٰ سیکرٹریٹ اٹ اوڑدہی کرے‘ ڈل اٹ ضلع دکی آن تعلقدار قبائلی متبر آک ساڑی ئسر۔ ڈل وزیراعلیٰ ءِ ضلع دکی ناویل‘ سڑک آتا تعمیر و ایلوتعلقدار امور تیا ہیت وگپ اوفتے ایسر کننگ نا خواست کرے۔ اوڑدہی نا وخت آ ڈل وزیراعلیٰ ءِ پارے کہ ضلع دکی ٹی کولا نا بھلو کوڑی اس ارے و دکی ہمو ضلع غاتے ٹی حساب مریک ہرا کل آن زیات خراج ایتک۔ ڈل اتون ہیت وگپ کرسا وزیراعلیٰ پارے کہ صوبہ نا ہمو ضلع ہرا پسماندہ ءُ ہموڑے حکومت سڑک آتا تعمیر‘ تعلیم‘ جانجوڑی و ایلو المی ویل آتے ایسر کننگ آ خصوصی چکار کننگ اٹی ءِ تاکہ صوبہ ٹی اسہ وڑ شونداری ناعمل برجا سلے و صوبہ نا ہر ضلع حکومت نا شونداری نا وژن نا وڑ اٹ شونداری ناکسر آروان مننگ کے۔