اوغانستان‘ پکتیا ٹی خودکش دھماکہ و سم کاری آن 3 سکیورٹی کارندہ زوال‘ کہیک ٹھپی
Get real time updates directly on you device, subscribe now.
کابل(آن لائن)اوغانستان نا صوبہ پکتیا ٹی خودکش دھماکہ، پکتیا ٹی خود کش دھماکہ و سم کاری آن 3 اوغان سکیورٹی کارندہ تپاخت و کہیک ٹھپی مسر، ایلو کنڈآ اوغانستان نا بڑزکو کونسل برائے قومی مصالحت نا کماش عبداللہ عبداللہ پارینے کہ اوغان حکومت نا ڈل بروک آ ہفتہ ٹی طالبان تون مذاکرات کن تیار ءِ تانکہ ملک اٹ تدوک آ 19 سال آن برجا انگا جنگ انا ایسری کن امن معاہد طے کننگے۔ العربیہ اردو ءِ انٹرویو ٹی او پاریسُس کہ بندی تا بابت ویل آتون اوار مذاکرات نا کسر اٹ دوئی مروک آ سختی تا بارواٹ ہندا ہفتہ ٹی لویہ جرگہ ٹی سجفنگا۔ او پاریسُس کہ ”اوغان قبائلی کماش آتا دا اسمبلی ٹی اسہ وڑ اٹ سرکاری مذاکراتی ٹیم اکن جوان ءُ اصول جتا کننگانے، ہرافتے کن اوغان اُلس بھاز قربانی تسنے۔