چین لداخ اٹی ہزار مربع کلومیٹر علاقہ غا کنٹرول دوئی کرینے، بھارتی میڈیا

نئی دہلی (اے پی پی) بھارتی میڈیانا حوال آتیٹی پاننگانے کہ چین لین آف ایکچول کنٹرول اتون لداخ اٹی ہزار مربع کلومیٹر آن زیات علاقہ غا کنٹرول دوئی کرینے۔ کشمیر میڈیا سروس نا رداٹ میڈیا اسہ بڑزکو سرکاری عہدیدار اسے نا بابت پارینے کہ لائن آف ایکچول کنٹرول تون دیپ سانگ نا میدانی علاقہ غان ہلیس چوشول اسکان چینی فوج منظم وڑاٹ پیش گامی کننگ ءِ۔ اومستی پارے کہ دیپ سانگ انا میدانی علاقہ ٹی پیٹرولنگ پوائنٹ 10 آن 13 اسکان کم و ود نہہ سد مربع کلومیٹر نا علاقہ چین نا کنٹرول اٹ بسنے۔ اوپارے کہ دامان گلوان اٹ کم وود 20 مربع کلومیٹر و گرم چشمہ نا علاقہ ٹی 12 مربع کلومیٹر نا علاقہ چین کنٹرول اٹی ءِ۔ اوپارے کہ پیانگوگ سواٹی 65 مربع کلومیٹر و چوشول اٹی 20 مربع کلومیٹر نا علاقہ چین نا کنٹرول اٹی ءِ۔ بھارتی میڈیا مستی دعویٰ کرینے کہ چینی فوج پیانگوگ تسوجھیل نا خڑک کم و ود 8 کلومیٹر نا علاقہ ءِ کوزہ ٹی ہلنگ ءِ۔