بنجائی ایوی ایشن وزیر آ غداری نا مقدمہ چلیفنگے‘ پاکستان پیپلز پارٹی

 اسلام آباد ( آن لائن ) پاکستان پیپلز پارٹی نا راہشونک پارینو کہ بنجائی وزیر ایوی ایشن ہرا ملک ءِ نسخان تسنے او نہ بیرہ استیفہ ایتے وخت اس کہ دا خواست ہم کینہ کہ اونا برخلاف غداری نا مقدمہ ءِ چلیفنگے۔ وزیراعظم نا اے ٹی ایم مشینک دا پلان تے جوڑ کننگ اٹی ءُ کہ او پاکستانی ادارہ غاتے بھس کرسا تینٹ اوفتا ہلوک آک جوڑ مرین، وزیراعظم اسامہ بن لادن ءِ شہید پارے ولے گودی بے نظیر بھٹو ءِ اسُل شہید پاتنے او نہ ہی اونا شہادت آ ہڑزخواہی کرے، منافق تو ہمو مریک ہرا وعدہ کے اوفتے پورو کپ، ہیت کے تو دروغ تڑے، امانت اٹ خیانت کے، دا کُل گڑاک عمران خان اٹ ساڑی ءُ، ہندا سوب آن او منافق اسے، عزیر بلوچ پی ٹی آئی ءِ دھرنا و الیکشن اٹ سپورٹ کرے انتئے کہ ذوالفقار مرزا اودے تینا چُنا پاریکہ ہرا اینو پی ٹی آئی ٹی ءِ، روز ویلٹ ہوٹل و پی آئی اے ءِ حکومت کوڑی نا نہاد آ بہا کننگ خواہک ولے نن دادے سرسہب مننگ کن ہلیپنہ، ہرافک پی ٹی آئی نا دھرنا، الیکشن و بیرک خلنگ آ خڑچ کریر اوفک داسہ سود اتون اوار پیسہ غاتے پدی خواہنگ ءُ۔