پی ٹی آئی حکومت آصف علی زرداری نا خون ءِ کننگ خواہک‘ بلاول بھٹو
Get real time updates directly on you device, subscribe now.
لا ہور ( آن لائن)پاکستان پیپلزپارٹی نا چیئرمین بلاول بھٹو زرداری دوبہ خلکنے کہ پی ٹی آئی نا حکومت اونا باوہ آصف علی زرداری نا خون ءِ کننگ خواہک، عمران خان بھاز بہادر ءِ انتئے کہ او اسمبلی ٹی ننا ساڑی مفننگ نا فائدہ ءِ ہرفسا تران کیک وزیراعظم صاحب ہمت کے کنا مون آ تران کے، ٹی و ی آ ہم عمران خان تون ہیت کننگ کن تیار اُٹ، ملک اٹ کورونا وائرس نا کیس و کہنگ نا کمتی نا دعویٰ سٹی ءُ دروغ اسے۔ دا کٹھ پتلی ءِ وزیراعظم ہاﺅس آن گِرسا پیشن خسوئی تمک۔ کٹھ پتلی حکومت ءِ ٹف ٹائم ترسا کینہ۔ لاہور اٹ پریس کانفرنس کرسا بلاول بھٹو پارینے کہ کراچی ٹی اسٹاک ایکسچینج آ جلہو ءِ بے سہب کروک آ کارندہ غاتے سلام پیش کینہ۔ دہشت گرد آتے کسفوک آتیٹی رفیق سومرو نا تعلقداری عمر کوٹ آن ءِ، ہرا 2 دہشت گرد آتے کسفے، جامشورو آن تعلق تخوک آ خلیل جتوئی اسہ دہشت گرد و نواب شاہ آن تعلق تخوک آ سلیم بروہی ہم اسہ دہشت گرد اسے کسفے اوفتے ہم سلام پیش کیوہ۔