وزیر اعظم تون عثمان ڈار نا اوڑدہی‘ٹائیگرفورس و سیاسی حالیت آتیا ہیت وگپ

اسلام آباد (آن لائن)وزیراعظم عمران خان تون خاص انگا کمکار عثمان ڈار اوڑدہی کرے ہراٹی ٹائیگر فورس کن جوڑ کروک آ ایپلی کیشن نا جاری کننگ و ملکی سیاسی حالیت آتیا ہیت وگپ کننگا۔ تدوک آ دے وزیر اعظم ہاﺅس اسلام آباد اٹ خاص انگا کمکار عثمان ڈار وزیراعظم عمران خان تون اوڑدہی کرے ہراٹی وزیراعظم مچ آ ملک اٹ ایپلی کیشن نا جاری کننگ نا منظوری ءِ ترسا ٹائیگر فورس تون گنڈوک آ اسمبلی نا باسک آتا رپورٹ ءِ ہم بٹنگا۔ وزریراعظم عمران خان پارینے کہ اُلسی نمائندہ غاتا کنڈآن ورنا غا رضا کار آتا کماشی المی ءِ، ٹائیگر فورس آخبت اٹ ملک انا قیمتی ءُ اثاثہ اس جوڑ مننگ اٹی ءِ۔ اوکان پد عثمان ڈار تینا بیان اسے ٹی پارینے کہ وزیراعظم ٹائیگر فورس نا خدمت آتے تالان کننگ نا فیصلہ کرینے، ٹائیگر فورس کن ڈیجیٹل ٹیکنالوجی ءِ کاریم اٹ اتنگ نا فیصلہ ہم کننگانے۔ ٹائیگر فورس ءِ ضلع ، یونین کونسل و وارڈ نا کہول آ مانیٹر کننگک۔ ایپلی کیشن نا کمک اٹ سمارٹ لاک ڈاون آ عملدرآمد کرفنگ اٹ ہم آسانی مریک، کورونا آن زہمی آ ہاٹ اسپاٹ ءِ زوت اس نشانی کننگ ہم ممکن مریک وخت اس کہ ٹائیگر فورس نا ٹیم تے جوڑ کرسا کیپٹن و وائس کیپٹن ہم پن کننگرہ۔