گوادر دنیا نا زرگزرانی وَت ءِ ،دنیا داڑان فائدہ ہرفنگ کیک، صادق سنجرانی

اسلام آباد (اے پی پی) چیئرمین سینیٹ محمد صادق سنجرانی پارینے کہ گوادر دنیا نا زرگزرانی وَت ءِ ، مصر انا زرکارآک دازرگزرانی وَت آن پبی فائدہ ہرفنگ کیرہ۔ ایوان بالا، صوبائی حکومت و تعلقدار ادارہ غاتا کمک اٹ دامسخت کن ہروڑنا آسراتی فراوان کننگ کن تیاراُن۔ داخیال آتا درشانی ءِ چیئرمین سینیٹ مصر انا سفیر طارق داروگ تون پارلیمنٹ ہاوس اٹ اوڑدہی ٹی کرے۔ چیئرمین سینیٹ محمد صادق سنجرانی پارے کہ مصر انا زرکارآک شپنگ، لائیو اسٹاک، فشریز، معدنیات و سروسز نا فراوانی آن بیدس ایلو بشخ آتے ٹی ساڑی زرکاری نا وارخواہی تیان پبی فائدہ ہرفنگ کیرہ۔