غیر کانودی وڑاٹ شناختی کارڈ جوڑ کروک آتا برخلاف کارروائی کننگک‘ عائشہ زہری
Get real time updates directly on you device, subscribe now.
نصیرآباد: چیئرمین ڈسٹرکٹ لیول کمیٹی بلاک شناختی کارڈ و ڈپٹی کمشنر نصیرآباد عائشہ زہری نا کماشی ٹی مچ آ ضلع ٹی بلاک شناختی کارڈ نا بابت اٹ اسہ دیوان اس اڈ ہلک۔ دیوان اٹ زونل انچارج نادرا نصیرآباد محمد ناصر لونی ڈی ایس پی سرکل شمن علی سولنگی اصغر علی ڈومکی و خفیہ ادارہ غاتا نمائندہ غاک بشخ ہلکر۔ دیوان اٹ بلاک شناختی کارڈ نا بابت اٹ سائل آک پیش مسر۔ ہرافک تینا بلاک شناختی کارڈ نا بابت اٹ کمیٹی ءِ معلومداری فراوانی نا بھاز آ بلاک شناختی کارڈ ہولڈر آتا ویل آتے بنسا کمیٹی اوفتے بلاک شناختی کارڈ ءِ بحال کننگ ناپارت کرفے وخت اس کہ کیہی سائل آک کمیٹی تون مون مقابل پیش متوس۔ دیوان آن تران کرسا ڈپٹی کمشنر نصیرآباد عائشہ زہری پارینے کہ شناختی کارڈ بھاز اہمیت تخک جائز آ حقدار اُلس نا کاریم اٹ ہچ ءُ کسر اس ہلیتنو۔ ہرافتا کیس آک پورو افس۔ اوفتا بحالی کن زوت اس گام گیج کننگے دا فورم بلاک شدہ شناختی کارڈ و ایلو شناختی دوئی ویل آتا پوروی کن کاریم ایترہ۔ کوشست کننگے کہ اُلس ءِ دوئی ویل آتا ایسری کن جوان ءِ۔ نن کس اسے تون زیادتی سگپنہ۔
(آن لائن)