عمران خان مذاکرات خواہک تو وزیراعظم آ فون کے، رانا ثناء اللہ
اسلام آباد : بنجائی وزیرداخلہ رانا ثناء اللہ پارینے کہ اکتوبر اٹ قومی و صوبائی اسمبلی تا گچین کاریک اسہ دے آ مریرہ‘ عمران خان اینو ہم ساستدان تتون مذاکرات خواپک او بیرہ کمیٹی جوڑ کننگ اٹی ءِ‘ عمران خان مذاکرات خواہک تو وزیراعظم آ فون کے‘ امریکی ٹی وی ءِ تروک انٹرویو ٹی رانا ثناء اللہ پارے کہ عمران خان ہرا مذاکراتی کمیٹی ءِ جوڑ کرے اودے حکومت سنجیدہ دا سوب آن ہلتو انتئے کہ داسہ ہیت بھاز مونی ہنانے۔ وزیرداخلہ پاریک ہ جناح ہاؤس آ مروک جلہو اٹ شرپسند ہموڑے تخوک لیپ ٹاپ ءِ درینو ہراٹی حساس معلومداری ئس‘ داسہ ہمو لیپ ٹاپ تون اوار ایلو اہم انگاگڑاتے تھانیدار اس آخا فوج پدی اتیک و دا کیس اٹ آرمی ایکٹ ہم ہنداسوب آن خلنگانے۔ رانا ثناء اللہ پارے کہ ہرا بندغ آک جناح ہاؤس آ ہنار اوفتا برخلاف فوجی عدالت آتے ٹی مقدمہ چلینگک‘ اگہ دا کل گڑاتا ڈٹ ءِ عمران خان جوڑ کرے تو گڑا ملٹری کورٹ اٹ اونا ہم ٹرائل مریک۔
(آن لائن)