قومی گوازی تا اڈ تننگ اٹ سیکورٹی کارندہ غاک کڑد ستا کڑزک‘ عبدالخالق ہزارہ

کوئٹہ : ڈسٹرکٹ انفارمیشن آفس صوبائی سلاہکار گوازی گر عبدالخالق ہزارہ ڈپٹی کمشنر کوئٹہ شہک بلوچ تون اونا دفتر اٹ اوڑدہی کرے۔ اوڑدہی ٹی مروک آ 34 میکو نیشنل گیم تیٹی انتظامیہ نا کڑد انا ستا ءِ کرسا صوبائی سلاہکار گوازی گر عبدالخالق ہزارہ پارینے کہ قومی گوازی تا سرسہب و امن و ایمنی ٹی اڈ تننگ اٹ سیکورٹی فورس و انتظامیہ نا اہم ءُ کڑد اس مسنے۔ او دا قومی ایونٹ نا سرسہب کرفنگ کن دے و نن خواری کرے۔ ہراڑان دا ایونٹ بھاز سرسہب مس۔ او پارینے کہ کیہی وخت آن پد بلوچستان اٹ قومی گوازی تا اڈ تننگ آن دا پاش مس کہ بلوچستان نا اُلس امن و ایمنی و گوازی تون مابت کروک ءُ۔ کل مقابلہ غاتیٹی شیدائیک جوان وڑاٹ بشخ ہلکر۔