بلوچستان، پر تیان پد کرود آتا تمنگ آن کیہی بندغ ٹھپی

کوئٹہ : بلوچستان اٹ پِر تیان کرود آتا تمنگ نا واقعہ غاک پیش مسنو ہرانا سوب آن زہمی سڑک آتیا ٹریفک معطل مس وخت اس کہ کیہی بندغ آک ٹھپی مسنو‘ ژوب ژوب ڈی آئی خان روڈ آ دانہ سر و مانیخوا نا نیام اٹ پِر انا سوب آن کرود تمنگ ناسوب آن ٹریفک نا نظام بند مسنے۔ ریسیکو حوالی نا رد اٹ کرود تمنگ آن منہ مسافر نا ٹھپی مننگ نا ڈہ ہم رسینگانے وخت اس کہ ضلعی انتظامیہ روڈ انا بحالی آ کاریم کننگ اٹی ءِ۔ پی ڈی ایم اے نا رد اٹ کیہی کلومیٹر نا علاقہ ٹی بھلو کچ اسے ٹی مسافر بس و چنکا گاڈیک گٹ مسنو‘ علاقہ غان چندی ریسکیو کال رسینگ آ کوئیک رسپانس تننگانے۔ پی ڈی ایم اے کمامدار آک پارینو کہ ایم ای آر سی بادینزئی و مانیخوا رسپانس ٹیم تے زہمی ہند آتیا راہی کننگانے و اسلام آباد، پشاور، سوات آن مسافر ٹرانسپورٹ ءِ خیبر پختونخوا نا دنگ اٹ توننگانے۔ ریسکیو آپریشن نا پورو مننگ اسکان کے پی و بلوچستان نا نیام اٹ ٹریفک ءِ بند کننگانے‘ ایلو کنڈآ پراونشل ڈیزاسٹر مینجمنٹ اتھارٹی (پی ڈی ایم اے) پارینے کہ چمن اٹ کوہِ سلیمان رینج اٹ بھاز پِر کرینے۔ پی ڈی ایم اے نا رد اٹ کوہِ سلیمان رینج اٹ بلوچستان و خیبر پختونخوا نا سیمی مَش تے ٹی طوفانی آ پِر انا سوب آن ہڑتوم آ صوبہ غاتا سیمی علاقہ ٹی نوکاپ نا حالیت ءِ۔

(آن لائن)