پاکستان بروک آ تُو روسی تیل اکن آرڈر ایتک، مصدق ملک

اسلام آباد: وزیر مملکت پٹرولیم مصدق ملک پارینے کہ حکومت بروک آ تُو روسی خام تیل انا اولیکو آرڈر ءِ ایتک ہرادے پاکستان آ سر مننگ اٹ ہچ مف چار ہفتہ لگک۔ نجی ٹی وی ءِ انٹرویو ٹی مصدق ملک پارے کہ روس اتون کیہی معاہدہ غاک پک مسنو و پاکستان بروک آ تُو آرڈر ایتک‘ اومستی پارے کہ ولے تیل ءِ پاکستان آسر مننگ اٹ منہ وخت لگک‘ ہچ مف 26 آن 27 دے‘ تیل سوردریاب نا کسر اٹ پاکستان آسر مریک۔ وزیر مملکت دا ہم پیدوار کرے کہ روس حکومت ءِ باور کرفینے کہ او پاکستان ہموخس رعایت تننگ اٹی ءِ ہراخس او ایلو ہمسائے ملک آتے تننگ اٹی ءِ۔ امیر و غریب کن گیس انا جتا جتا ٹیرف نابابت حکومتی فیصلہ نابارو اٹ وزیر مملکت پارے کہ دا وڑ ءِ وزیراعظم شہباز شریف و مسلم لیگ (ن) نا قائد نواز شریف نا پرمان آ کننگاسس‘ اوپارے کہ ہندا سوب آن نن ملک ءِ امیر و غریب نا آبادی ٹی بشخان‘ ہندا سوب آن اگہ اسہ غریب نیاڑی اس گیس انا یونٹ اس کاریم اٹ اتیک تو او ایف-7 یا گلبرگ نااسہ نیاڑی ہرا بل تننگ اٹی ءِ اونا مقابلہ ٹی او چارک بل ایتک۔ مصدق ملک پیدوار کرے کہ امیر و غریب نا نیام اٹ فرق ءِ گیس انا کاریم اٹ اتنگ اٹ پک کننگک ہراکہ امیرتیکن اسہ وڑ مریک ولے نومبر آن مارچ اسکان یخ اٹ غریب آتیکن کم مریک۔ اوپارے کہ پاکستان اٹ 60 درسَد آبادی غریب ءِ و اوفتیکن نن یا تو گیس انا نرخ آتے ٹی کمتی کرینن یا گڑا مستین آنبار برجا تخانن۔ او پارے کہ ہندا باندات پٹرولیم سبسڈی نا ئس‘ ہرانا رد اٹ امیر پٹرول کن 300 روپئی و غریب داڑکن 200 روپئی ایتک۔

(آن لائن)