پی ٹی آئی زرگزرانی، سیاسی و آئینی تنکی نا زموار ءِ، مریم اورنگزیب
عمران خان فتنہ و پھسات نا کمکار آتیان ءِ، اونا کمکار آک ساہ کندن آٹو، بنجائی حوالکاری و شینکاری وزیر
اسلام آباد: بنجائی حوالکاری وشینکاری وزیر مریم اورنگزیب پارینے کہ عمران خان ملک اٹ زرگزرانی‘ سیاسی وآئینی تنکی نا زموار ءِ‘ ہرکس ہراڑے ہراڑے دا فتنہ وپھسات ناکمکار ءِ او قوم نا ڈوہدار ءِ۔ مسکوہی وزیراعظم عمران خان نابیان آ ردعمل اٹ حوالکاری وشینکاری وزیر مریم اورنگزیب پارے کہ عمران خان نا کمکار آک ساہ کندن آٹو‘ نی مستین نے بشخ اس مننگ اٹی ءُ۔ اوپارے کہ کمکار آتا پاننگ آ آئین ءِ پرغا و پاریکہ کہ محسن نقوی کنا حکومت نابرخلاف جہانی سازش کرے و داسہ پاننگ اٹی ءِ کہ او بیداد کننگ اٹی ءِ، پٹرول بمب خسوک آ دہشتگرد آتے سزا ترفوئی ءِ‘اوپارے کہ نی فارن فنڈنگ، گھڑی دزی وتینا مسڑ ءِ مسڑ امنا کپننگ نا سوب آن نابودمریسہ‘ ملک ءِ نے کون آ فتنہ و پھساتی آن خلاسی ترفنہ گڑا آسرات تولنہ‘ ورناتے نے کون آ شر آن خلاسی ترفنہ۔ مریم اورنگزیب مستی پارے کہ 90 دے اٹ کرپشن ءِ چٹوئی ئس‘ 100 دے اٹ زرگزران و گورننس ءِ ہم جوان مروئی ئس‘ 200 زرگزرانی چاہندار و پیشن آن 200 ارب ڈالر ہم بروئی ئس‘ اسہ کروڑ نوکری و پنجا لکھ اُرا ہم رسینگوئی ئس۔ نا دُرو و فراڈ نا وخت چٹانے۔
(آن لائن)