مردم شماری گڑتی، وزیراعظم سیاسی جماعت آتا دیوان اس 5اپریل آ بٹنگا
Get real time updates directly on you device, subscribe now.
اسلام آباد : وزیراعظم شہباز شریف مردم شماری نا باندات آ گڑتی تے ایسر کننگ کن ہم خیال سیاسی جماعت آتا دیوان اس 5اپریل آ بٹنگا۔ وزیراعظم شہبازشریف ناکماشی ٹی دیوان پنچ اپریل چار شنبے آ مریک‘ دیوان اٹ سیاسی جماعت آتا مردم شماری نابابت گڑتی و اعتراض آتا جاچ ءِ ہلنگک۔ ایم کیوایم و پیپلزپارٹی مردم شماری نا برجا عمل آ بنجائی حکومت ءِ اعتراض آتیان آگاہ کریسر‘ مردم شماری نا باندات آ وزیراعظم شہبازشریف ناکماشی ٹی دیوان اٹ ایم کیو ایم نا ڈل ہم بشخ ہلیک۔ داکان بیدس وزیراعظم شہباز شریف پارلیمانی پارٹی نا دیوان ءِ اینو اسلام آباد اٹ بٹنگانے، پارلیمانی پارٹی نادیوان یک بجہ غا پارلیمنٹ ہاؤس اٹ مریک‘ وزیراعظم پارلیمانی باسک آتے سیوتی راہشون تا دیوان نا فیصلہ غاتیان آگاہ کیک، وزیراعظم آخبت نا سیاسی حکمت عملی آن پارٹی باسک آتے آگاہ کیک۔ سپریم کورٹ نا باندات آ ہم پارلیمانی پارٹی ءِ پت اٹ ہلنگک‘ پارلیمنٹ نا بالادستی و واکداری تے ٹی نیام تمنگ نا موکل تفننگ نا عزم انا درشانی کننگک‘ دیوان اٹ حکمران جماعت نا پارلیمانی پارٹی فل کورٹ نا خواست ءِ دوارہ کیک۔
(آن لائن)