سپریم کورٹ اسہ پین وزیر اعظم اسے فارغ کیک، فواد چوہدری

لاہور: پاکستان تحریک انصاف نا راہشون فواد چوہدری پارینے کہ عدالتی پرمان آ عملدرآمد متو تو سپریم کورٹ دوشنبے نا دے اسہ پین وزیراعظم اسے فارغ کیک۔ اسہ انٹرویو سے ٹی مسکوہی بنجائی وزیر فواد چوہدری پارے کہ سپریم کورٹ گچین کاری کرفنگ کیس اٹ تو فیصلہ تسنے داسہ مسہ باسکی بنچ بیرہ عملدرآمد نا بنچ ءِ‘ او پارے کہ عدالتی پرمان آ عملدرآمد متو تو سپریم کورٹ دوشنبے نا دے ملک انا اسہ پین وزیراعظم اسے فارغ کیک۔ ایلو کنڈآ فواد چوہدری کارندہ غاتا ضمانت اٹ ہُرے کروک جج آتے ڈوہدار ہم گوندا و پارے کہ داوڑ انا جج آن بایدے استیفہ ایتر و اُراتے ٹی تولر۔

(آن لائن)