پاکستان نا اسرائیل نا بابت پالیسی ٹی بدلی بتنے، دفتر خارجہ
Get real time updates directly on you device, subscribe now.
اسلام آباد: ترجمان دفتر خارجہ پاکستان و اسرائیل نا نیام اٹ واپاری نا بابت خبرتیا تبصرہ کرسا پیدوار کرینے کہ پاکستان نا اسرائیل نا بابت پالیسی ٹی ہچ ءُ بدلی اس بتنے‘ اسرائیل تون سفارتی یا واپاری تعلقداری اف و نئے دا بابت ارادہ کننگانے۔ وزارت خارجہ نا ترجمان ممتاز زہرا بلوچ پاک اسرائیل واپاری نابابت میڈیا ٹی پیری کروک خبرتیا تینا ردعمل نا درشانی ءِ کرسا پارے کہ امریکن جیوش کانگریس نا پریس ریلیز ءِ غلط وڑ اٹ پیش کننگانے، پریس ریلیز اٹ ہم پاک اسرائیل سرکاری واپاری نا اسہ جاگہ اس ہم ذکر اف۔ ترجمان پارے کہ پاکستان نا اسرائیل تون ہچ ءُ سفارتی یا واپاری تعلقداری اس اف‘ و نئے دا بابت ارادہ کننگانے۔ پاکستان نا اسرائیل نا بابت پالیسی ٹی ہچ بدلی بتنے‘ خبر تیا مستی تبصرہ کن واپاری وزارت تون رابطہ کننگے۔ پاکستان اسرائیل واپاری بنا مننگ نا بابت ہیت آک غوغا ءُ۔