عمران شیطانی ٹولی اسے، مدام آئین ءِ نسخان تسنے،،رانا ثناء

اسلام آباد: بنجائی وزیرداخلہ رانا ثناء اللہ پارینے کہ ڈبہ پیر، ڈبو، عمران نا داڑیل و دانشور چاری ءُ کہ عمران ہراتم نابود مرے و او پارٹی نا سروک مریر۔ زمان پارک کا رنگ باز و ملتان نا ڈبہ پیرسپریم کورٹ نا گیشتری جج آتا سلاہ نا توہین ءِ کننگ اٹی ءُ‘ اِرا مداری نا دوٹی مسہ ’ڈگڈگی‘ ءُ ہرا زور زور آن خلنگ ءُ۔ شاہ محمود قریشی نا بیان آ ردعمل ترسا رانا ثناء اللہ پارے کہ زالبول جج ءِ دھڑکو تروک آک مسہ جج انا مخ تف وترجمان جوڑ مسنو۔ جسٹس قاضی فائز عیسی نا برخلاف دروغ نا ریفرنس دائر کروک آک عدلیہ و جج آتا کننگ آبایدے شکی مریر۔ عمران شیطانی ٹولی مدام آئین، انصاف و الس نابرخلاف بش مریک۔ عدالت آ خل کاری کروک‘ جج ءِ کرینگ و دھڑکو تروک آ بے شرم آک عدالت نا شرف انا باشن تننگ اٹی ءُ۔

(آن لائن)