ورنا تا شہادت زیان مفک، میر ضیاء اللہ لانگو

کوئٹہ: صوبائی وزیرداخلہ میر ضیاء اللہ لانگو ایران سیم آن ایپار آن پاک فوج انا ورناتیا سم کاری ناواقعہ نا مذمت ءِ کرینے۔ وزیرداخلہ میر ضیاء اللہ پارے کہ پاک فوج انا ورناتیا سیم انا ایپار آن جلہو گڑتی ناسوب ءِ‘ داوڑ انا واقعہ غاتا مننگ است ہسونی نا سوب ءِ‘ ننا ورنا تا شہادت زیان مفک‘ قوم پاک فوج اتون سلوک ءِ‘ لغوری نا جلہو تیان ہچ دوئی مفک۔ وزیرداخلہ پارے کہ ملکی سلامتی کن پاک فوج انا قربانی تے گچین آ لوز آتیٹ یات کننگک۔ وزیرداخلہ شہید آتا خاہوت آتتون ہمدردی نا درشانی و شہید آتا درجہ غاتا بڑزی کن دعا ہم کرے۔

(آن لائن)