بھارت ءِ ہائیڈرو پراجیکٹ آ کاریم آن توننگا

دی ہیگ، دی ہیگ اٹی جوڑ ثالثی عدالت بھارت ءِ ہائیڈرو پراجیکٹس آ کاریم ءِ توننگ و پاکستان تون مروک سندھ طاس معاہدہ نا پورو عملدرآمد نا پرمان کرینے وپیدوار کرینے کہ سندھ طاس معاہدہ داسہ ہم پورو وڑ اٹ نافذ العمل ءِ انتئے کہ بھارت تون دا معاہدہ ءِ چٹفنگ یا تورفنگ نا ہچ ءُ کانود تُک و کسر اس اف۔ ثالثی عدالت بھارت ءِ ہائیڈرو پراجیکٹ آ کاریم ءِ توننگ و پاکستان تون مروک سندھ طاس معاہدہ غا عملدرآمد نا پرمان کرے۔ دی ہیگ اٹی جوڑ پرمیننٹ کورٹ آف آرربٹریشن دوشنبے نا دے تینا اسہ اہم فیصلہ اسے اٹی پارے کہ بھارت کشمیر نا علاقہ ٹی ہائیڈرو الیکٹرک ڈٹ آ تینا کاریم ءِ توروئی مریک و پاکستان تون دیر انا بشخ و پانٹ کن سندھ طاس معاہدہ غاپورو عملدرآمد کروئی تمک۔ ثالثی عدالت پیدوار کرے کہ ہڑتوم آ ملک آتا نیام اٹی پک مروک سندھ طاس معاہدہ داسہ ہم پورو وڑ اٹ نافذ العمل ءِ انتئے کہ بھارت نا کنڈ آن دا معاہدہ معطل یا چٹفنگ نا ہچ ءُ کانودی تک اس اف۔ عدالت مستی پارے کہ جہانی بینک انا کنڈ آن پک کروک اسہ کنڈہلپروک چاہندار جولائی 2027ء اسکان دا ہیت فیصلہ کیک کہ ہمالیائی ڈیہہ اٹ دا پن بجلی ڈٹ انا تفنگ معاہدہ نا شڑت آتا رِداٹ اے یا آخا۔ دا باندات خاص وڑ اٹ کشن گنگا و رتلے پن بجلی ڈٹ آتا بابت پاکستان و بھارت نا نیام اٹی برجا بھلا جھیڑہ نا اہم ءُ بشخ اسے۔ بھارت مستین اٹ ہیگ انا ثالثی عدالت نا کارروائی ءِ مسترد کرسا ہنانے‘ وخت اس کہ پاکستان نا موقف ءِ کہ سندھ طاس معاہدہ اسہ المی جہانی معاہدہ اسے۔ دا فیصلہ نا بنجائی زہم دادے کہ بھارت تیناخود آن سندھ طاس معاہدہ ءِ معطل گوندسا تینا زمواری تیان دزکش مننگ کپک۔